Преглед на 4.коло во ВМФЛ, фаворитите стигнаа до нови победи

Се одигра и 4.коло во ВМФЛ, во кое до нови победи стигнаа екипите кои се борат за влез во Првата македонска фудбалска лига.

Вардар на домашен терен се врати на победите и оствари висок триумф на натпреварот со екипата на Борец (6:0). Дарио Десниќ беше играчот кој постигна два гола, додека во листата на стрелци се запишаа и новите засилувања, Владимир Жоглев и Кире Маркоски, додека противничката мрежа ја тресеа уште и Симеон Христов и Никола Величковски.

Дербито во Битола им припадна на Гостивар кои славеа со резултат 1:3 на гостувањето кај екипата на Пелистер, додека Воска Спорт стигна и до четвртата последователна победа, откако на домашен терен славеше минимално 2:1 против екипата на Беса. Во Гевгелија, Кожув го изненади Детонит, славејќи победа со резултат 2:0.

Комплетни резултати од 4.коло:

Пелистер – Гостивар  1:3

Воска Спорт – Беса  2:1

Слога 1934 – Каменица Саса  1:1

Беласица – Пехчево  1:1

Тетекс – Караорман  2:1

Вардар – Борец  6:0

Кожув – Детонит  2:0

Аресими – Охрид  1:0

Во следното коло, Вардар гостува кај екипата на Караорман, додека дербито ќе биде меѓу екипите на Гостивар и Воска Спорт.