Vardar Fans
Генерацијата 2006 на фудбалскиот клуб Вардар имаше одлична полусезона. Ова беше прва година за оваа генерација во регионалната-скопска лига, во која одлично се снајдоа и прикажаа добри игри. Човекот кој ги однесе на врвот во детската лига, Филип Спасески, продолжи и сезонава да ја води генерацијата 2006 која стана есенски шампион во лигата. Речиси и да немавме рамноправен противник, на сите 14 одиграни натпревари, црвено-црните делуваа самоуверено, мотивирано и доминантно на теренот. Самата гол разлика од 76 постигнати и само 2 примени голови, говори за супериорноста на момците, кои се стекнаа со солидна разлика пред останатите конкуренти во овој дел од сезоната.
Сите остварени победи за генерација 2006 во есенскиот дел:
1 коло: Вардар – Шкендија 6:0
2 коло: Македонија Ѓ.П – Вардар 0:9
3 коло: Вардар – Работнички 1:0
4 коло: Шкупи – Вардар 0:3
5 коло: Вардар – Еуроспорт 5:0
6 коло: Њу Старс - Вардар 0:8
7 коло: Вардар – Кул Здравје 7:0
8 коло: Вардар – Форца 3:0
9 коло: Вардар – Милано 3:1
10 коло: Сарај – Вардар 0:2
11 коло: Вардар – Драчево Јуниор 1:0
12 коло: Грозданоски – Вардар 0:5
13 коло: Вардар – Фортуна 20:1
14 коло: Скопје – Вардар 0:3 ( службено)
На табелата, не е внесено последното коло и натпреварот против екипата на Скопје, кој го добивме со службен резултат (0:3). Така, со големи 10 бодови завршивме пред екипата на Милано, односно 11 од екипите на Шкендија и Еуроспорт.
Немаме проблеми и во Куп натпреварување, каде на пролет ќе се бориме за пласман во големото финале, а со тоа и можност за освојување на двојната круна. Работнички и Постолов Пандев беа првите пречки кои беа успешно елиминирани.
1/8: Работнички - Вардар 0:5
1/4,1 меч: Вардар – Постолов Пандев 2:0
1/4, 2 меч: Постолов Пандев – Вардар 1:1
