Генерациите 2006 и 2007 на ФК Вардар одиграа пријателски натпревари

Генерациите 2006 и 2007 на ФК Вардар под водство на Милан Коцески денес беа активни со одигрување на пријателски натпревари.

Генерацијата 2006 успеа да слави на гостувањето кај екипата на Македонија Ѓ.П. Конечниот резултат на натпреварот гласеше 1:3 во корист на црвено-црните. По првото полувреме резултатот беше 1:1, а Вардар прв успеа да го отвори резултатот со голот на Алтин Алији.

Предноста, овој пат за 2:1 ја врати Марко Николовски, додека конечните 3:1 со својот втор гол ги постави Алтин Алији.

ФК Вардар: Данстак, Ајетовиќ, Јанкоски, Спасовски, Порчу, Миовски, Величковски, Нуредини, Николовски, Танчев, Алији.

Утрово на спортскиот комплекс во населбата Хиподром, генерацијата 2007 одигра дуел со екипата на Кул, кој го загуби со резултат 0:3.

ФК Вардар: Исајловски, Смиљков, Шерифи, Ивановски, Крстевски, Котевски, Рајчин, Блажевски, Ќерими, Хоти, Нухиу.