Кадетите на ФК Вардар со видно изменет состав денес го отвори пролетниот дел од сезоната. После заминувањето на неколку играчи од клубот, како и прекомандувањето во првиот тим на дел од вардаровите кадети и младинците во пролетниот дел од сезоната на младинските лиги јасно е дека ќе играме со „крпени“ состави.
Така беше и на денешниот дуел на вардаровите кадети, кои можат да жалат што не ги освоија сите бодови на стартот од пролетниот дел. Натпреварот на кадетите на Вардар и Шкупи заврши со нерешен резултат 2:2. Сите четири голови паднаа во вториот дел од натпреварот. Гостинската екипа со погодок во 50.минута го отвори резултатот за 0:1, но Вардар и покрај негативата не се откажа. На „сцена“ стапи Георг Стојановски кој за само две минути, односно во 80 и 82 минута му донесе пресврт и водство на Вардар од 1:2. Сепак не издржавме до крајот, со гол во 87 минута, Шкупи израмни на 2:2.
Вардар: Ангелов, Јовановски, Ричков, Трпезановски, Ивановски, С.Стојановски Живков, Г. Стојановски, Перковски, Ибраим, Давидовски (К).
Младинците беа поразени минимално со резултат 0:1 Во последните три минути од натпреварот, екипата на Шкупи постигна гол и ги постави конечните 0:1 на натпреварот од 8.коло во младинската супер лига.
Вардар: Стојковски, Трајковски, Илиев, Симев, Сељанац, Саит, Марковски, Исени, Тасевски, Салиу (К).
Кадетите и младинците денес настапија со една и единствена измена на натпреварите со чаирскиот тим. Може само да им се честита на нашите храбри момци, кои и покрај големите проблеми со составување на екипите ниту во еден момент не „потклекнаа“ пред противникот.