Vardar Fans
Викендов кој следи ќе биде одиграно второто пролетно коло во првенството на младинските фудбалски категории. Екипата на Победа од Прилеп ќе биде противник за сите генерации на фудбалскиот клуб Вардар.
-По нерешениот резултат во градското дерби со екипата на Работнички, помладите пионери на домашен терен ја пречекуваат екипата на Победа. Составот предводен од Сашо Јанев е апсолутен фаворит на овој меч, а таа улога треба да ја докаже и на саботниот натпревар кој ќе се одигра на теренот во Марино со почеток од 10 часот. Во есенскиот дел Вардарци со петарда во мрежата на Победа ја запишаа првата победа во сезоната. Резултатот тогаш беше 0:5, а стрелци на головите беа Мартин Спировски (2), Ибрахим Ариф, Марио Илиевски и Самир Хасиќ.
-По неочекуваниот пораз од тимот на Работнички, пионерите ќе се обидат да се вратат на победите на саботниот натпревар против своите врсници од Победа. Слично како помладите, така и пионерите славеа на есенското гостување во Прилеп со резултат 0:4. Јакуп Бериша постигна хет-трик на тој меч, а еден гол беше дело на Александар Георгиевски. Дуелот ќе започне од 12 часот.
-Кадетите по победата во дербито со Работнички се наоѓаат во одлична атмосфера пред гостувањето во Прилеп. Натпреварот со Победа ќе се одигра во недела од 12 часот. На првиот натпревар одигран на локомотива, црвено-црните забележаа убедлива победа од 3:1. Головите тогаш беа дело на Јакуп Бериша, Дамјан Петревски и Дејан Маркоски.
Гостување во Прилеп ќе имаат и младинците на ФК Вардар, против своите врсници од Победа. Натпреварот ќе се одигра во недела од 14 часот. Есенскиот дуел го добивме без поголеми проблеми со убедлив резултат од 3:0. Ердон Даци, Виктор Димков и Јасир Беќири погодија за Вардар во второто есенско коло.
