Thursday ,28 March 2024
Последни:
Home > ФК Вардар > У-18 > Продолжува победничката серија за кадетите на ФК Вардар, убедлив триумф во дуелот со Брегалница
Продолжува победничката серија за кадетите на ФК Вардар, убедлив триумф во дуелот со Брегалница

Продолжува победничката серија за кадетите на ФК Вардар, убедлив триумф во дуелот со Брегалница

Кадетите на ФК Вардар стигнаа и до петтата последователна победа. Утрово на теренот на „Академијата“ избраниците на Филип Ивановски убедливо ја совладаа екипата на Брегалница. Конечниот резултат гласеше 4:0.

Тренерот Ивановски започна со следниве 11-сетмина: Јовчев, Јовановски, Давков, Ѓорѓиевски, Ѓоргоски, Трпезановски, Живков, Гуџуфи, Андрески, Марковски и Давидовски (К).

128514660_3495295313850623_713034036198213729_o

Вардар со половина од силите успеа да стигне до триумф, имавме контрола на играта, создадовме повеќе шанси и на крајот успеавме да ги освоиме бодовите. Уште во првите минути од натпреварот успеавме да го отвориме резултатот со голот на Бесар Гуџуфи, кој погоди на асистенција од Јовановски. Токму асистентот на првиот гол, Јовановски беше следниот кој имаше шанса но шутираше само крајо голот на штипјани. Вардар зголеми на 2:0 и повторно со погодок на Гуџуфи, нашиот напаѓач денес беше нерешлива енигма за одбраната на Брегалница, повторно успева да и побегне на одбраната на гостинскиот тим и да погоди за 2:0, овој пат асистент беше Лео Андрески. Нова шанса и тоа добра имаше Гуџуфи кој шутираше во противничкиот шеснаесетник, но заврши крај голот. Стрелецот на првите два гола во следната акција се најде во улога на асистент, од десната страна Гуџуфи нафрли топка во противничкиот шеснаесетник, го пронајде Лео Андрески кој биеше од прва, голманот со одлична интервенција од прва го одбрани неговиот удар, но одбиената топка стигна повторно до Андрески, кој не греши повторно, ја погоди мрежата за водство од 3:0. Гостинската екипа имаше голема шанса да постигне почесен гол, се создаде акција од левата страна, но еден од нивните играчи биеше само крај голот на Јовчев. До крајот на првиот дел успеваме да го зголемиме водството на 4:0. Во листата на стрелци се запиша и Славче Живков. Се тргна од Ѓоргоски кој додаде до Давков, овој до Гуџуфи, кој асистира до Живков кој успева да погоди. Сите дилеми за конечниот победник ги завршивме во првите 45 минути кога овој резултат беше актуелен.

128134147_3495296233850531_7063384813013472495_o 128172398_3495295900517231_3713088122684286878_o 128183807_3495295917183896_6752898971651023755_o 128277752_3495296163850538_277865766488168432_o 128521881_3495295393850615_6598138491536317850_o 128543746_3495295700517251_5058392732210302902_o

Во вториот дел не видовме гол, иако Вардар имаше неколку прилики да ја зголеми предноста. Беше поништен гол на Живков, откако судијата досуди недозволена позиција. Во игра во вториот де ги видовме Дарко Младеновиќ, Алек Саит и Петре Тасевски. Младеновиќ имаше шанса, откако бише со глава на нафрлена топка, но одбрани голманот. Во прилика во вториот дел се најде Андрески, но немаше реализација, додека добра шанса имаше и Брегалница, но одлично одбрани Јовчев. Конечниот резултат на крајот гласеше 4:0.

Ова беше петта победа во серија за нашите кадети, кои и после 5.коло ќе останат на првото место во кадетската Супер лига.