Јуфо и Талески две години “црвено – црни”

ФК Вардар промовираше уште двајца нови играчи. Виктор Јуфо и официјално потпиша договор со Вардар во важност од две години. Исто така, нов играч на “црвено – црните” е и младиот Алекс Талески. Талески роден е во Австралија а има македонско потекло. Со овој млад играч Вардар исто така потпиша двегодишен договор.

„Очекувам сè најдобро во новата средина, да дадам сè од себе за тимот да бележи само успеси. Среќен сум што сум тука и се надевам дека брзо ќе се наметнам во новиот клуб. Од сегашниот играчки кадар, познавам неколку играчи од Вардар, сум играл против нив во минатото. Знам што се очекува од Вардар, тимот секогаш оди на највисокото место на табелата, се надевам дека ќе успееме да дојдеме до титулата, и до успешни настапи и резултати во Европа“, рече Јуфо.

АЛЕКС ТАЛЕСКИ

Датум на раѓање:      17.06.2000

Место на раѓање:      Мелбурн, Австралија

Кариера:         Грин Гали Мелбурн (млади категории), Саншајн Џорџ, Хаиделберг, Грин Гали Мелбурн

Позиција:       играч за врска

„Желбата да играм за Вардар е голема, сакам да се наметнам кај тренерот и да играм за овој клуб. Се надевам дека ќе имам само успеси во иднина, и дека следната сезона ќе ја завршиме како првопласирани во првенството. Исто така посакуваме да имаме успешен настап во квалификациите за Лигата на Европа. Прво ќе треба добро да се подготвиме во следниот период, и ќе сториме се следната сезона да ја вратиме шампионската титула. Јас и во пролетниот дел тренирав со екипата, одлично сум прифатен од соиграчите, и мислам дека нема да ми треба многу време за адаптација. Сега останува на мене да ја оправдам довербата и укажаната шанса да бидам дел од овој клуб“, изјави Талески по потписот на договорот.