Vardar Fans
Изминатиов викенд се одигра првото пролетно коло и во детската фудбалска лига, а вардаровите генерации одиграа вкупно 12 натпревари, на кои беа постигнати 9 победи, еден нерешен резултат и два порази.
Најубедливиот триумф во првото пролетно коло го имаше екипата на Вардар (1) од генерација родени “20о5“ година кои славеа во дуелот со Викторија, убедливо со резултат 22:0. Нивниот братски Вардар (2) од истава генерација исто така беше убедлив во дуелот со Башкими, славејќи висока победа против екипата на Башкими со резултат од 12:1. Успешен старт на пролетниот дел имаше и вардаровата генерација родени “2006“ година, кои со двете екипи забележаа победи. Дербито во оваа генерација го одиграа Вардар (1) и Милано, дуел кој им припадна на избраните на Сашо Јанев со резултат од 3:0, додека Вардар (2) го победи Куманово и тоа со минимален резултат од 2:1. Идентични победи со резултат 9:0 остварија двете екипи на генерацијата “2007“ на ФК Вардар. Најпрво Вардар (1) го совлада тимот на Њу Старс (2) со 9:0, додека со истиот резултат славаше и Вардар (2) против екипата на Еуроспорт.
Победа и нерешен резултат во првото пролетно коло за генерацијата “2008“. Вардар (1) ремизираше 1:1 во дуелот со екипата на Њу Старс, но затоа сигурен беше Вардар (2) кој го растури тимот на Башкими убедливо со 9:1. Единствено генерацијата родени “2009“ не успеаа да се радуваат на победи во првото пролетно коло. Двете екипи на Златко Таневски ги загубија натпреварите од Шкупи ( 2:7) и Башкими (1:5). Затоа две убедиви победи на стартот имаше најмладата генерација родени “2010“ година. Вардар (1) го победи Њу Старс (12:3), додека Вардар (2) го победи тимот на Фаст со резултат од 10:1.
