Денес на теренот во Марино, пријателски натпревар одиграа екипите на Вардар и Кадино. Тимот на Вардар, со исклучок на голманот Игески, Велковски и Реџепи, беше составен од играчи кои се родени 2002 и 2003 година.
Натпреварот заврши со нерешен резултат 1:1. Тимот на Кадино кој се натпреварува во втората македонска лига прв го отвори резултатот, додека црвено-црните израмнија со погодок од слободен удар, дело на Фитор Реџепи. Пред крајот на дуелот прекрасна интервенција имаше нашиот голман, Лука Стојковски кој спречи пораз за младиот тим на Вардар.
Ова беше одлична контрола за овој состав на Вардар, во кој има играчи кои конкурираат за место во првиот тим на Вардар.
Вардар: Игески, Петејчук, Мицевски, Ѓоргоски, Давков, Ѓоргиевски, Давидовски, Хасани, Велковски(C), Мирков и Парталко.
Во игра влегоа уште и Стојковски, Трпезановски, Јовановски, Реџепи, Тасевски, Марковски, Салиу, Асани и Исени.
Екипата ја предводеше Филип Ивановски и Бобан Грнчаров, додека присутни беа и Никола Илиевски, Саша Илиќ, Златко Таневски и Никола Глигоров.