Вардар ремизираше во Кратово, но зголеми еден бод пред конкурентите

Лидерот во Првата македонска фудбалска лига (ПМФЛ), екипата на Вардар, немаше среќа да победи во Кратово затоа што прими гол во финишот од Силекс (2-2) и мора да се задоволи само со бод на незгодното гостување.

На денешниот дуел во Кратово, Вардар можеше да победи, но можеше и сите три бода да ги загуби. Силекс иако имаше предност по првиот дел, следуваше консолидација на Вардарци во вториот каде со прекрасниот гол на Тошевски и потоа на младиот Цветаноски, Вардар направи целосен пресврт за 1:2. Вардар сепак со играч помалку не издржа по исклучувањето на Мицевски, па прими погодок во финишот, а во две акции пред голот, Гачевски и Серафимов спасија чисти голови на домаќинот. На крајот, Вардар можеше да победи и да стане есенски шампион, но Брдаровски не успеа  да реализира еден контра во која си даде предолг фор.

Се на се, Вардар зголемува уште еден бод предност пред А.Пандев и Шкендија, кои ова коло загубија на гостински терен. Со победа во недела кај А.Пандев, Вардар и официјално ќе биде есенски шампион.