Рингов: Динамо е фаворит, но загрепчани ќе се излажат ако го сфатат несериозно Вардар

Легендарното лево крило на црвено-црните  Васил Рингов кој во својата кариера во далечната 1983 година има впишано полусезона  како играч на  Динамо Загреб за хрватските медиуми даде свое видување за престојниот двомеч Динамо-Вардар. Тој го искажува своето мислење дека ФК Вардар полека по доаѓањето на г-н Самсоненко гради  силен тим, но предупредува дека Динамо е скалило погоре во однос на квалитетот. Тој во изјава за хрватските медиуми вели:

Нешто се обидуваат да направат, но за тоа освен пари, потребно е и време. Пред две години клубот го презеде рускиот милионер Сергеј Самсоненко, вложи  пари во  Вардар со што доминираат  во македонскиот фудбал. Но, тоа не е мерило за силата на Вардар бидејќи  секоја сезона очекувањата исчекор во  Европа. Динамо секако дека е многу поискусен и дека е фаворит на двомечот, но и на играчите на Вардар ќе имаат голем товар, бидејќи и од нив се очекува успех. Секако за  Вардар ова е најтешката ждрепка, но сигурен сум дека ќе се борат до самиот крај и дека на загрепчани нема да им биде лесно. Посебно не на првиот натпревар во Скопје кога навивачите силно ќе ги бодрат  и ќе им помогнат на своите фудбалери. Иако Динамо е фаворит, но загрепчани ќе се  излажат ако го сфатат  несериозно Вардар.

Васил Рингов  на  прашањето дали тоа што нашиот тренер Гоце Седлоски добро го познава тимот на “модрите“ е некаква предност за црвено-црните во овој европски шампионски двомеч, тој го потенцира следново:

Може Седлоски  да биде најдобар  мотиватор и тактичар  на светот, но сè се разрешува  на самиот терен. Ти можеш да зборуваш што сакаш, да им ги покажиш на играчите недостатоците на противникот, па и да црташ на плоча… Сепак на крајот тие се оние кои ќе истрчаат на теренот и треба да покажат што знаат. А тука Динамо има голема предност, има далеку подобри поединци.