Седум вардарци повикани во репрезентацијата до 18 години, за меморијалниот турнир во Чешка

Македонската фудбалска репрезентација до 18 години во перидот од 19-25.август ќе настапи на меморијален турнир во Чешка, во чест на на поранешниот селектор на Чехословачка, Вачлав Јежек.

На турнирот покрај Македонија, учество ќе земат уште и репрезентациите на Унгарија, Латвија, Словачка и Украина и секако домаќинот, Чешка.

За овој турнир, селекторот на Македонија, Шкумбин Арслани повика и седум играчи од редовите  на Вардар. Се работи за Кристијан  Китановски, Али Асани, Александар Ѓурковски, Виктор Крстевски, Леонид Игнатов, Муас Демири и Азер Омерагиќ.

Турнирот ќе го отвориме на 21.август со натпревар против селекцијата на Украина, додека следниот ден ќе се соочиме со репрезентрацијата на Словачка.