Сител ќе врши директен пренос од градското дерби Вардар- Работнички

Градското дерби помеѓу ФК Вардар и екипата на ФК Работнички кое е дуел од петтото коло во првата македонска фудбалска лига ќе може да се проследи низ директен пренос на телевизијата со национална концесија ТВ Сител. Таа од минатото четврто коло се до последното 34.коло со договор со фудбалската федерација ќе го пренесува најинтересниот меч во секое коло. Ова е меч кој ќе го даде лидерот на табелата по ова петто коло. Вардар моментално е прв со 13 бода, а “Романтичарите“ се втори со бод помалку, црвено-црните и со реми би ја задржале првата позиција на табелата во домашната лига.

Преносот во недела ќе почне во 15 часот и 30 минути за кога е закажан стартот на ова градско дерби и истиот ќе може да се проследи на сателитскиот канал на телевзијата  “Сител три“.