Екипата на Шкупи е следниот противник за вардаровите младински екипи

Претстојниов викенд продолжуваат натпреварите од 4.коло во првенството на младинските фудбалски категории. Пионерските екипи во сабота на теренот на Академијата се домаќини на екипата на Шкупи, додека истиов ден, кадетите и младинците ќе гостуваат на овој противник. Натпреварите ќе се одиграат во термините од 10:00 и 12:00 часот.

Помладите пионери се наоѓаат во серија од две победи и ќе се обидат оваа серија да ја продолжат и на саботниот меч против екипата на Шкупи. Противникот од Чаир после три одиграни кола има учинок од две победи и еден пораз и се наоѓа на 4. место на табелата.

Пионерите се единствената наша генерација која се наоѓа на лидерското место во овој дел од сезоната. Момците играат одличен фудбал и после три одиграни кола немаат примено ниту еден гол. Вардар е фаворит, но и тимот на Шкупи добро ја стартуваше сезоната, на три натпревари собраа вкупно шест бодови.

Гостување кај Шкупи ќе имаат кадетите и младинците на ФК Вардар, кои после три кола имаат две победи и еден пораз. Во кадетската супер лига, тимот на Шкупи се наоѓа на 7.место со 3 бодови, додека во младинската лига исто така се на 7 позиција, но со 4 освоени бодови.