Денес во Банско, соседна Бугарија се играше финалето на меѓународниот турнир “Пирин Куп-2018“во генерацијата родени 2009 година. Во истото се сретнаа ФК Вардар предводен од Зоран Петковски и тимот на ФК Работнички од Скопје. Црвено-црните одиграа еден силен натпревар со многу борба, за жал денес го доживеаа првиот пораз на овој турнир што донесе “сребро“ во оваа генерација.
Црвено-црните во групната фаза минаа со седум бода, две победи и едно реми, потоа избраниците на Петковски Зоран издоминираа и во нокаут фазата. Победите во 1/4 и 1/2-финалето го донесоа денешниот финален натпревар. Во истиот за жал и покрај неколкуте прилики ние не погодивме, тоа го казни противникот кој победи со минимална предност. Романтичарити дојдоа до пехарот со победа со резултат од 1-0 во ова финале.
Честитки за квалитетно одиграниот турнир до тренерот Петковски и момците кои се враќаат со “сребро“ од овој квалитетен меѓународен турнир за момци родени 2009 година.