Vardar Fans
ФК Вардар доведе во своите редови нов млад играч. Се работи за 17 годишниот Филип Стојчевски, кој доаѓа од тимот на ФК Металург. Стојчевски има само 17 години, и важи за еден голем талент. Игра на средината на теренот, како последен играч за врска, а по потреба може да одигра и како десно крило.
Стојчевски дебитираше за првиот тим на Вардар на пријателскиот натпревар изминатата недела против тимот на Раднички од Ниш. Иако влезе во вториот дел, овој играч покажа дека има голем потенцијал во него. Стојчевски сега за сега ќе тренира и настапува за младинците на ФК Вардар, но доколку продолжи со добрите игри, секако дека ќе следува повик и настап за првиот тим на Вардар. Стојчевски моментално е член на селекцијата на Македонија до 17 години.
