Марко Стојилевски го имаше првиот официјален натпревар во дресот на Вардар

ФК Вардар стигна до уште една важна победа, во борбата за пласман во ПМФЛ од следната натпреварувачка сезона. Црвено-црните вчера успеаа на градскиот стадион во Велес да бидат подобри од екипата на Борец (0:3).

Сезонава, Вардар промовира неколку млади играчи во сениорската екипа. После Давор Серафимов, Ѓорѓи Дошев и Горјан Цветков, своето деби на официјален натпревар го имаше стоперот Мрко Стојилевски (2005).

Стојилевски е актуелен репрезентативец на македонската репрезентација до 19 години, играчот беше и дел од подготовките во Охрид со сениорската екипа на Вардар пред почетокот на актуелнава сезона. Се работи за голем потенцијал и надеж, не само на Вардар, туку и на македонскиот фудбал.