(ФОТО ТАБЕЛА) Вардар по 7-мото коло остана единствена непоразена екипа во ПМФЛ, но го загуби врвот

ФК Вардар вчера во рамките на седмото коло од првата лига гостуваше кај тимот на Ренова во село Боговиње. За жал нашите момци овој меч го одиграа без голови 0:0.

По поразот на Слога во ова коло кај Силекс во Кратово нашите црвено – црни останаа единствен непоразан тим во најсилната домашна фудбалска конкуренција. Вардар повторно и по ова коло ја има најдобрата одбрана со само 4 примени гола , вториот најефикасен напад во лигата и најдобрата гол позитива од 15+ голови , но сепак потфрливме во најважната категорија “место на табелата“. Вардар со освојувањето на само еден бод во Боговиње мораше да ја препушти лидерската позиција на тимот на ФК Шкендија која е сега на бод предност во однос на нашиот миленик. Вардар го чека тежок период во среда игра супер-куп меч со “романтичарите“ а неговиот конкурент ќе биде слободен. Во недела вардарци имат тежок дуел повторно за лигашки бодови со тимот на Работнички, а Шкендија има релативо лесен домашем меч со тимот на кратовски Силекс. Се надеваме нашите момци ќе се издигнат повторно кон врвот на табелата.