Изминатиов викенд, генерациите 2005 и 2006 одиграа ново коло во рамките на регионалната скопска лига. Нашите млади надежи славеа на гостувањето кај екипата на Сарај.
Генерацијата 2006 стигна и до десеттата последователна победа, откако славеше на гостувањето кај тимот на Сарај со резултат 0:2. На тој начин, избраниците на Филип Спасески останаа на лидерското место со 30 освоени бодови, или шест повеќе од екипите на Шкупи и Еуроспорт.
Сигурна победа и за момците на Зоран Петковски, генерацијата 2005 која ја запиша осмата победа сезонава во лигата. Полесно од очекувњата, црвено-црните славеа триумф од 1:8 на гостувањето кај Сарај. Во оваа категорија, првото место и понатаму го држи Кул кој има 28 бодови, втор е Вардар со 24, но и меч помалку имаат вардарци.
Веќе утре играме ново коло, на домашен терен ја пречекуваме екипата на Драчево.