Тренерот на Розенборг, Каре Ингебритсен по натпреварот изјави дека е многу среќен за победата над Вардар, потенцира дека неговиот тим не дошол толку лесно до победата, иако имаа во текот на мечот и три голови разлика.
“Добро го одигравме мечот, и ова е добро постигнување за нас. Не победивме воопшто лесно но завршивме голема работа. Играчите треба да бидат почестени. Бендтнер е во одлична форма и ужива да игра фудбал. Имавме играчи кои покажаа дека сме во добра форма” – рече Ингебритсен.