Tuesday ,05 July 2022
Последни:
Home > ФК Вардар > Прв тим > Мицевски, Давков и Хасани го имаа своето деби за сениорскиот тим на Вардар
Мицевски, Давков и Хасани го имаа своето деби за сениорскиот тим на Вардар

Мицевски, Давков и Хасани го имаа своето деби за сениорскиот тим на Вардар

Изминатиов период уште тројца млади играчи го имаа своето деби во сениорскиот тим на ФК Вардар. Се работи за Иван Мицевски кој е роден 2002 година, како и Грегори Давков и Абдулах Хасани кои се 2003 генерација.

Мицевски на официјален натпревар дебитираше во рамките на 21.коло, кога влезе во последните седум минути од дуелот против екипата на Ренова, кој црвено-црните го загубија. Младиот и надежен играч започна во стартниот состав на Вардар против екипата на Струга Трим Лум, кој заврши со нерешен резултат (1:1). Мицевски ги одигра сите 90 минути. Се работи за играч кој веќе 2.5 години е дел од Вардар, инаку потекнува од фудбалската школа на Форца.

Своето деби на официјален натпревар го имаше и Грегори Давков, кој одигра 30 минути на дуелот со Струга ТЛ. Давков е голем потенцијал и репрезентативец на Македонија до 19 години. Инаку Грегори потекнува од школата на Фудбал Старс од Кочани, додека во Вардар ја започнува и третата година како член на клубот.

Како дебитант го запишуваме и Абдулах Хасани, роден 2003 година, кој имаше свои минути на натпреварот против Ренова. Се работи за играч кој ги помина младинските категории на клубот и репрезентативец на младите категории.