Vardar Fans
Македонската фудбалска репрезентација до 15 години во вторник и четврток ќе одигра два контролни натпревари со репрезентацијата на Турција. Двата дуели ќе започнат во 15 часот на теренот на фудбалската федерација на Македонија. За овие контролни мечеви, селекторот Дашмир Беари повика тројца играчи од редовите на Вардар, кои настапуваат за помладите пионери кои се лидери во својата категорија.
Голманот Матеј Андов и играчите со офанзивни карактеристики Давид Астарџиев и Виктор Петковски се тројцата играчи кои го носат црвено-црниот дрес. Тие се стандардни и во составот кој е предводен од Сашо Јанев кој викендов одигра нерешено во дербито со екипата на Работнички. Од вчера младата репрезентација се подготвува на тренинг центарот “Петар Милошевски“.
Се надеваме дека и оваа селекција ќе ги повтори успесите на У-16 кои забележаа победа (7:0) и нерешен резултат во дуелите со врсниците од Црна Гора.
