Младите вардарци од генер.“2006„ имаа убедлив старт на турнирот во Хрватска, нашите надежи високо ја победија екипата на Оксала од Јапонија

Вардаровата генерација родени “2006„ година со убедлива победа го стартуваше силниот меѓународен турнир во Хрватска, “Меѓимурец 2018„. Избранициците на Павел Неделковски високо ја победија екипата на Оксала со резултат од 5:1.

Резултатот на 1:0 го отвори Стефан Коловски кој доби една топка во празно од Алтин Алију и излезе сам пред голманот и го матираше. Водството на 2:0 го зголеми Стефан Коловски, на голот претходеше акција на  Давор Лефковски, кој направи соло пробив по десната страна и одлично асистираше до Коловски на кого не му беше тешко да ја смести во мрежата. Ова беше резултат на полувреме.

Доминација на Вардарци и во вториот дел, кои покажаа дека се поквалитетни од противникот. Дарко Сековски изведе одличен корнер, по што Кристијан Галевски одлично скокна и со глава ја смести топката во мрежата, што значеше водство од 3:0. Во листата на стрелци се запишува и Олег Трифуновски, кој најдобро се снајде во шеснаесетникот и погоди за 4:0. Во следните минути почесен гол и за екипата од Јапонија, која го намали реззултатот на 4:1, додека конечниот резултат од 5:1 го постави Олег Михајловски Инаку ова беше рутински меч за вардарци со постојана иницијатива.

Во текот на утрешниот ден ќе одиграме два натпревари на турнирот. Најпрво противник на црвено-црните ќе биде МТК Будапешт (12:20), за во последното коло да се сретнеме против Хајдук Сплит (16:00 часот).