Vardar Fans
После два последователни порази, пионерите на ФК Вардар се вратија на победите во Лигата, откако денес во рамките на 12.коло ја совладаа екипата на Ренова. Црвено-црните убедливо ги поразија “гипсарите„ со резултат 7:1.
Тренерот Кралевски стартуваше со следниве 11-сетмина: Китановски, Петејчук, Асани, Гугуљанов, Костовски, Радуловиќ-Величковиќ, Хасани, Трајановски, Омерагиќ (c), Речица, Туша.
По првото полувреме екипата на Вардар имаше убедлива предност од 2:0 и тоа со два гола на Азер Омерагиќ. Истите беа постигнати во 9 и 35.минута од натпреварот. И вториот дел започна со погодок на Омерагиќ за негов хет-трик на овој дуел, голгетерот на вардаровите пионери успешно стрелаше и во 44.минута од мечот. Само пет минути подоцна, вардарци успеаа да го зголемат водството на 4:0, со првиот гол денес на Далибор Костовски. Имавме целосна доминација на овој меч и создадовме голем број на шанси. “Петарда„ во мрежата на Ренова во 51. минута од дуелот, кога во листата на стрелци се запиша и нововлезениот Атом Фазлиу за предност од 5:0. Веќе следната минута, почесен гол и за гостинската екипа која го намали резултатот на 5:1. До крајот на мечот уште два гола во мрежата на тетовчани. Со вториот гол на Атом Фазлиу зголемивме на 6:1, додека конечните 7:1 беа дело на Муас Демири.
Во игра влегоа уште и Салиу, Симев, Фазлиу, Демири, Ѓорѓиевски и Величковски. Ова е седма победа за пионерите на Вардар во лигата.
