Утре на теренот на Академијата, ФК Вардар генер. 2005 ја пречекува екипата на Македонија Ѓ.П

Во сабота своето 16.коло во регионалната-скопска лига ќе го одигра генерацијата на ФК Вардар родени 2005 година. На теренот на Академијата со почеток од 10:00 часот ќе гостува екипата на Македонија Ѓ.П.

Избраниците на Зоран Петковски ќе се обидат да се вратат на победите во лигата, а со тоа и да го задржат врвот во завршниот дел од сезоната. Првиот натпревар одигран во есенскиот дел на гостински терен, вардарци го добија убедливо со резултат 0:3.

Пред ова коло Вардар е прв на табелата со 38 бодови, еден повеќе од екипата на Кул, од која има и натпревар помалку за одигрување. Нашиот утрешен противник се наоѓа на дното на табелата, со само 3 освоени бодови од 15 одиграни мечеви.

Слободна во ова коло е генерацијата 2004 на Вардар, со оглед дека Македонија Ѓ.П нема екипа во оваа категорија.