Vardar Fans
Вардар денес го пречека ФК Работнички во Градското дерби, дуелот беше дел од 3.коло од сезоната 2019/2020. Повторно бевме домаќини на Градскиот Стадион по речиси една година, оваа средба го „скршивме малерот“ погодивме по 235.минути и конечно на голема радост на сите играчи и симпатизери на Вардар победивме со 2-0.
Васоски мечот го започна со овие 11 момци: Гачевски, Новак, Серафимов, Тошевски, Брдаровски, Најдовски, Мицевски, Жуниор, Адем, Аврамовски и Колевски.
Дуелот започна со мирна игра на средината на теренот, двата тима ги испитуваа силите на почетокот. Прв се закани Работнички, нашиот ривал се обиде со два удара од дистанца во 7 и 8.минута. Сепак на нашиот гол Филип Гачевски беше на ниво на задачата. Ние се заканивме во првиот дел во три прилики. Во 11.минута Аврамовски се обиде, сепак одбраната блокираше и топката заврши во корнер. Во 29.минута Колевски беше на 13-14.метра упати одличен удар, топката закачи еден од одбранбените играчи и заврши во нов корнер за црвено-црниот тим. Последна шанса имавме во 39.минута одличен слободен удар изведе Мицевски, голманот Шишковски кратко одби, на таа топка налета Колевски кој од непосредба близина не успеа да погоди. За одбележување во првиот дел е и 44.минута кога беше соборен во казнениот простор на „Романичарите“, Аврамовски сепак и покрај негодувањата на нашиот тим судијата Јакимовски не покажа на белата точка.
Вардар тргна офанзивно во вториот дел, во првите пет минути ние имавме иницијатива. По еден слободен удар во 50.минута од само 10сетина метра Серафимов ја погоди стативата од голот на црвено-белите. Вардар беше поактивен во овој втор дел, советите на одморот на Васоски вродиле со плод. Конечно по 235.минути сезонава првпат погодивме, во 55.минута Колевски стрелаше по една мешаница за 1-0. Противникот се закани по само три минути, Тијаго за наша среќа од десетина метра шутна крај десниот директ. Комити беа можеби во помал број од изминатите два меча, но цело време го поддржуваа својот миленик, голот донесе вистинска славеничка атмосфера на западната трибина. Васоски во 68.минута го повлече првиот потег од клупата, Цветановски Матеј влезе во игра на место на стрелецот на голот Бојан Колевски. Мицевски и Серафимов се заканија во 82.минута од оваа средба, сепак топката не заврши во мрежата на ривалот од Градски парк. Мицевски на 3.минути до крајот промаши голема шанса, неговиот удар не заврши за малце во мрежата. Аврамовски во судиското продолжение погоди за 2-0, тоа беше печат на победата. Toj во финишот му го остапи местото на Ибиши.
Со оваа победа по три одиграни кола имаме четири бода, најважно покрај триумфот е и конечното прекинување на голгетерскиот пост на црвено-црните момци.
