Вардарци денес заминуваат за Струмица, во мисијата наречена “Малме“

Денес фудбалскиот клуб Вардар заминува за Струмица, каде во вторник ќе го одигра реванш натпреварот од второто квалификациско коло во ЛШ, против екипата на Малме. Во следниве два дена, црвено-црните ќе се подготвуваат на стадионот “Младост„ во Струмица, каде ќе се обидат на крајот да излезат како победник во двомечот со шампионот на Шведска. По првиот натпревар, резултатот е активен за двете екипи (1:1), со подеднакви шанси за двата тима, за пласман во следната рунда од најголемото натпреварување. Гоце Седлоски на мечот во вторник, нема да смета на услугите на Петковски, Велковски и Џигаури, додека сите останати се ставаат на располагање во пресрет на овој важен натпревар.

Клубот во понеделник, со почеток од 17:30 часот ќе одржи прес-конференција, на која ќе ги изнесе очекувањата за реваншот против Малме. Карти можете да набавите на повеќе продажни места низ цела Македонија, а цената на истите е 500 денари.