Познат е асистентот на Васоски што заминува во Струмица

Како што објавивме пред веќе скоро десет дена, Александар Васоски седнува на клупата на Академија Пандев. Неговата промоција ќе биде утре во Струмица.

Покрај него, ,,Вардар Фанс” дознава и кој асистент го избра Васоски за негов помошник во новиот тим. Одлуката паднала на некогашниот стопер и капитен на ФК Вардар, Раденко Бојовиќ. Бојовиќ му беше еден од асистентите на Васоски во Вардар, а сега продолжуваат и заедно во новиот тим.

Не е тајна дека оваа ,,двојка” има намера да донесе и неколку фудбалери токму во Струмица од Вардар. Веќе договорени засилувања се Мартинага и Стојчевски, а истото треба да се случи и со младиот Крстевски. Силен интерес има и за уште неколку играчи од таборот на ,,црвено – црните”.