Vardar Fans
Вардар одигра 1-1 на четвртиот пријателски натпревар во Анталија. За Вардар на овој натпревар настапија: На голот беше Филип Гачевски, а во одбраната Хофханес Хамбарџумјан, Немања Мијушковиќ, Евгениј Новак и Горан Попов. Во средниот ред играа Никола Глигоров, Стефан Спировски и Хуан Фелипе како плејмејкер, а по крилните позиции Дамир Којашевиќ и Ацо Стојков. Во нападот беше Фредерик Нимани. На клупата за резерви беа: Томе Пачовски, Владица Брдаровски, Бобан Николов, Златко Таневски, Влатко Грозданоски, Дарко Глишиќ, Филип Ивановски, Драган Ќеран, Бобан Грнчаров, Дејан Блажевски, Благоја Љамчевски. Вардар првото полувреме го мина со апсолутна доминација на теренот, имаше огромен посед на топка, а Металист својата шанса ја чекаше преку некоја контра или полуконтра. Најистакнат во првото полувреме беше Фелипе, кој го постигна и единствениот погодок во првиот дел. Фелипе во 33 минута од натпреварот по една грешка на украинците, добиа топка, биеше од преку 20 метри, и со феноменален гол, го донесе Вардар до водство. Фелипе имаше уште една одлична можност во 43 минута, но за жал остана 1:0 по првиот дел.
Во вториот дел Вардар одигра лошо, околу 58 минута речиси целиот тим на ФК Вардар се замени, откако излезе од игра Фелипе, Вардар се ”изгуби” на теренот. Металист во 67 минута имаше одлична можност да дојде до 1:1 но Николов спаси од самата гол линија. Но одма потоа, од корнер во 68 минута Металист израмни на 1:1. Во продолжението и двете екипи играа мирно, Вардарци како да се задоволија со овој резултат, па не покажаа никаква игра по тој примен погодок. Натпреварот заврши со резултат 1:1.
