Денес на терените на ФФМ, генерацијата 2009 на ФК Вардар во дербито успеа да ја победи екипата на Форца. Избраниците на Зоран Петковски во еден интересен и квалитетен натпревар стигнаа до триумф со резултат 3:2.
Во првите три минути од натпреварот видовме два гола, по еден во двете мрежи. Алек Чедомирски му донесе рано водство на Вардар, но после една минута противникот успеа да израмни на 1:1, резултат со кој се замина на полувреме.
Во вториот дел видовме уште шанси и голови. Со голот на Коста Бошковски, Вардар повторно дојде во водство, овој пат од 2:1, но Форца пак го израмни резултатот на 2:2. Во финишот подобро се снајдоа младите надежи на Вардар кои со погодокот на Јаков Стојковски обезбедија триумф со резултат 3:2.