Генерацијата на ФК Вардар родени “2001“ година веќе се наоѓаат во градот Фоча (БИХ), каде попладнево го играат првиот натпревар на 14-сетото издание на силниот меѓународен турнир, “Fudbal frends„ на кој учество ќе земат осум екипи.
Според програмата, својот натпревар, црвено-црните ќе го одиграат со почеток од 17:30 часот, а прв противник е екипата на Марибор од Словенија. На другите дуели од првиот натпреварувачки ден се среќаваат: Будуќност- Ријека ( 16:00), Сутјеска – Tjandžin Kvanžan (19:30) и од 21:00 часот ќе играат Железничар и Црвена Ѕвезда.
Доколку успееме денес да победиме, во текот на угтрешниот ден ќе играме во полуфиналето и ќе имаме можност да се борме за еден од медалите. Вардаровите кадети на турнирот се предводени од Златко Таневски. Минатата година, кадетите освоија трето место на истиов турнир.