Vardar Fans
Денеска со почеток во 14 часот нашиот тим ФК Вардар го игра и третиот пријателски натпревар во Анталија. Противник на нашиот црвено – црн тим е екипата на Слован Либерец од Чешка. Слован Либерец доаѓа од чешката прва лига, и засега го завзема одличното за нив четврто место на табелата. Тимот на Слован Либерец во главно е составен од играчи од својата земја, но во ростерот има и голем број на интернационалци.
Во тимот на Слован Либерец настапува еден играч од Србија, неговото име е Милош Каришиќ, овој играч од 2011 година е во тимот на Слован Либерец. Нападот на Слован Либерец е составен од тројца интернационалци и еден играч од Чешка. Марек Бакош од Словачка е најдобар стрелец на оваа екипа досега со постигнати вкупно 7 погодоци. Освен овој играч тука се и Рабушиќ од Чешка, како и уште двајца црномурести играчи а тоа се: Деларге од Конго, кој досега има постигнато еден погодок, како и холанѓанецот Лукасен, кој досега има запишано 5 настапи, и постигнато еден погодок.
