Фк Вардар генер. “2005“ го “преслуша“ Фк Металист Пловдив и со триумф го започна турнирот во Сандански

Фудбалскиот клуб на Вардар генерација родени “2005“ денес пристигна во Сандански (Бугарија) и веднаш започнаа со настапи на турнирот “Балканика Куп“. Заморот од патувањето не ги спречи црвено-црните да одиграат добар натпревар. Избраниците на Зоран Петковски имаа успешен старт на овој турнир, откако во првото коло од групната фаза беа подобри од екипата на Фк Метал 2002 од Пловдив. Натпреварот се играше во две полувремиња по 20 минути. Сигурно го започнавме овој дуел, на кој бевме многу подобри од противникот, што резултираше со значајна предност по првиот дел, кога имавме водство од 2:0. Во второто полувреме двете екипи постигнаа по еден гол, за конечен резултат од 3:1 и прва победа на турнирот во Сандански.

Тројца различни играчи се запишаа во листата на стрелци. Головите беа дело на капитенот Филип Јовановски, потоа Тино Спасиќ и Ѓорѓи Дошев. Утре на својот распоред имаат два натпревари против ФК Векта од 13 часот и против ОФК Вихрен од 19:30 часот.