Генерацијата на ФК Вардар родени “2008“ година го освоија четвртото место на силниот меѓународен турнир во Загреб.
Најпрво во осминафиналето утрово ја совладавме екипата на Кустошија, минимално со резултат 1:0, со погодокот на Ненад Дамјаноски од пенал. Потоа во четврфиналето избраниците на Павел Неделковски беа подобри од екипата на Истра со резултат 3:0. Головите на овој натпревар беа дело на Матеј Киш, Ненад Дамјаноски и Стефан Бранковски. Во полуфиналето немавме среќа кога на пенали загубивме од екипата на Поникве од Загреб. Откако во регуларниот дел мечот заврши без голови 0:0, се пристапи кон изведување на удари од белата точка. Тука немавме среќа и загубивме на пенали (3:1). Во борба за третото место за противник ја имавме екипата на Дубрава и тука загубивме на пенали со резултат 2:1.
На крајот оваа генерација на Вардар го освои четвртото место. Остваривме пет победи и два порази кои беа после изведување на пенали, а на целокупниот турнир примивме само еден гол, но немавме среќа во пенал серијата. Сепак ова е голем успех за младите избраници на Павел Неделковски, кои освоија четвртото место во конкуренција на 32 екипи.