Vardar Fans
Тимот на Вардар влезе во резултатска серија откако ги доби двете тешки скопски дерби пресметки против екипите кои ни се директни конкуренти за пласман во квалификациите за Лигата на Европа ова лето.
Покрај одличните резултати во последно време, Гачевски и вардаровата одбрана можат да се пофалат со уште еден супер податок. Мрежата на нашиот тим веќе 297 минути е сочувана. Последен пат, гол на Вардар му даде Стјепановиќ на дуелот Вардар – Македонија ЃП, кој заврши 3:1 на 03 март.
Оттогаш, Вардар брои 297 минути без примен погодок. Посакуваме оваа серија да се зголеми на плус уште 90 минути, по утрешниот дуел против Силекс кој се игра на стадионот во Маџари од 15 и 30 часот.
