Васоски: Од денес не сум тренер на Вардар, имињата на играчите треба да се запишат со златни букви во историјата на клубот

Вардар со победа го заврши есенскиот дел од сезоната, откако денес со убедливи 0:3 славеше на гостувањето кај екипата на Беласица. Шефот на стручниот штаб, Александар Васоски, на својот фб профил се одјави од вардаровите навивачи, истакнувајќи дека од денес тој не е повеќе тренер на Вардар. Тој го напиша следново:

-Почитувани спортски пријатели, навивачи на Вардар, почитувана спортска јавност, сакам во името на стручниот штаб да ви се заблагодарам за поддршката што му ја дававте на Вардар во овој тежок период од клубот. Почитувани вардарови фудбалери, вашите имиња треба да се запишат со златни букви во историјата на овој клуб, што не дозволивте клубот да доживее црно сценарио. Што се однесува до мене, јас ветив дека до декември ке останам, но веќе немам сила да се борам. Затоа од денес и официјално не сум тренер на Вардар. Благодарност до Комитите и сите подржувачи на Вардар и мој апел до надлежните, да не се дозволи најсветото нешто во македонскиот фудбал да згасне. 

За Вардар времето тече „немилосрдно“ доколку не се најде брзо решение се предвидува најцрното сценарио за клубот.