Vardar Fans
Новото раководство на ФК Вардар, одржа прес-конференција на која ги изнесе активностите поврзани со клубот, како тече акцијата за купување на сезонски билет, како и за претстојните подготовки кои од утре стартуваат во Златибор. На прес-конференцијата говореше, претставникот од Комити, Милорад Миленковски.
Засега акцијата тече добро, а истата е единствената во моментов „финансиска поткрепа“ за играчите и стручниот штаб.
Акцијата се одвива нормално, немаме некој бум, но имаме продадено над 2.500 – 3.000 карти и плус имаме компензации за услуги кои се потребни за функционирањето на ФК Вардар. Сумата од продадените први 2.000 билети веќе е префрлена на фудбалерите и стручниот штаб, кога ќе се одземат даноците и трошоците, станува збор за сума од 30.000 евра. Тоа не е бројка која ја заслужуваат нашите херои, но даваме сѐ од себе да обезбедиме колку што можеме повеќе. Можеме да ветиме дека голготата која фудбалерите ја имаа минатата сезона, веќе никогаш нема да се повтори“
Вардар со натпревар против екипата на Дубочица, ќе го „сефтоса“ новиот стадион во Лесковац.
Утре одиме во Златибор каде тимот ќе биде од 15. до 27. јули таму ќе одиграме четири пријателски натпревари. Кулминацијата ќе биде на отварањето стадионот во Лесковац, тоа би требало да биде едно триумфално финале, круна на подготовките, дуелот меѓу Вардар и ФК Дубочица“.
