„Падна“ и Беласица, пом.пионери на Вардар со нов триумф во Супер Лигата

По само 13.минути игра имавме водство од 4:0, од кои два гола беа дело на Стефан Бујароски, двата ремек дело на нашиот играч, кој погоди во 1 и 13.минута од натпреварот. Дамјан Буцевски беше играчот кој во 6.минута ни донесе предност од 3:0, додека Петар Блажевски се најде на вистинското место и погоди на одбиена топка, за водство од 4:0 во 10.минута. До крајот на првиот дел успеавме да постигнеме уште два гола во мрежата на Беласица, Дамјан Буцевски со својот втор гол донесе предност од 5:0 во 36.минута, додека во 39.минута, Христијан Јевтоски го зголеми резултатот на 6:0. кој беше актуелен на полувреме.

Матео Каранфилоски беше играчот кој во вториот дел упати удар кон голот на противникот, но одбрани голманот на Беласица, додека Ендрит Кадрији ја зголеми предност на 7:0. Во вториот дел, Влатко Колев, им даде шанса на сите играчи кои беа на клупата на резерви за овој натпревар. Екипата на Беласица успеа да постигне почесен гол и да го намали резултатот на 7:1, додека со авто гол на противникот, беше поставен конечниот резултат од 8:1, на овој натпревар од 4.коло во помладата пионерска супер лига.