Vardar Fans
Денеска на теренот на Алумина се одигра дерби натпреварот од кадетската лига. Нашиот Вардар за жал беше поразен на денешниот натпревар од лидерот на табелата, тимот на Работнички со резултат 5:2. Со овој пораз нашиот тим и дефинитивно ги губи шансите за титула.
Натпреварот тргна одлично за домаќинот, а лошо за нашиот тим. Веќе во 4. минута тимот на Работнички дојде до предност од 1:0, по еден лош пат, нашиот голман Малик Зибери се повреди. Тренерот Колев уште во 4.минута мораше да направи принудна замена. Потоа набргу дојде и вториот гол на Работнички, еден противнички играч упати еден удар малку од косо, топката допре еден наш играч и влезе во нашата мрежа. Во следната акција Вардар намали на 2:1 со гол на Дејан Стоименов. До крајот на првиот дел тимот на Работнички не застана, успеа да постигне уште два погодоци, за на пауза да замине со високи 4:1. четвртиот погодок на Работнички беше поклон од нашиот голман Денковски кој направи голем кикс.
Во вториот дел и двата тима тргнаа со по споро темпо за разлика од првиот дел. На почетокот на второто полувреме тренерот Колев во игра уфрли и двајца свежи играчи, но и тие двајца не беа расположени за игра денеска. Некаде на средина на вториот дел беше досуден пенал за домаќинот. Топката ја зеде и прецизно биеше Марио Станковски за веќе недостижна предност од 5:1. До крајот на натпреварот единствениот расположен играч кај Вардар, Дејан Стоименов постигна погодок за 5:2. Со овој резултат заврши натпреварот.
