Vardar Fans
Младинците на ФК Вардар загубија неочекувано високо од екипата на Брера Струмица во рамките на 1/8 финалето во Купот и ги завршија настапите во ова натпреварување за сезонава. Натпреварот кој се одигра во Струмица му припадна на домашниот тим кој славеше со резултат 4:1 (3:0).
Вардаровите младинци немаа свој ден и загубија од Брера, уште на полувреме противникот имаше предност од 3:0, со голови во 9. 23. и 34.минута.
Во вториот дел, Марко Николовски успеа да го постигне првиот и единствен гол денес за Вардар, за намалување на 3:1, во 64.минута, но само три минути подоцна, Брера ја запечати победата со уште еден гол во нашата мрежа, за конечни 4:1, на овој единствен натпревар од 1/8 финалето во Купот.
Вардар: Никола Филевски, Влатко Кулуковски, Зоран Фидановски, Тино Спасиќ, Матеј Гаштаров, Лука Јакимовски, Горјан Цветков (К), Давор Лефковски, Марко Николовски, Антонијо Крстевски, Филип Радевски.
