Вардар и Македонија ЃП oдиграа 1:1 (0:1) на првиот дуел од 1/8 финалето во Купот на Македонија. Гостите први дојдоа до предност преку Кировски, а Вардар израмни во 72. минута со голот на Вилијан Лира. Се ќе се решава на реваншот во Ѓорче, кој е на програмата на 10. октомври.
Вардар имаше негатива по првиот дел од еден гол разлика 0:1. Во 13. минута екипата на Македонија ЃП преку поранешниот „вардарец“, Христијан Кировски го отвори резултатот. До крајот на првиот дел иако Вардар имаше неколку шанси да израмни, сепак остана 0:1.
Во вториот дел Вардар отвори напаѓачки со цел голови и пред се анулирање на негативата. Одбраната на гостите капитулираше во 72. минута кога преку Лира, црвено – црните дојдоа до израмнување, 1:1.
Вардар: Александар Кировски, Кристијан Тошевски, Никола Херанз, Коста Манев, Јован Попзлатанов, Дарко Мицевски, Кларенс Битанг, Алекс Талевски, Матеј Цветановски, Тигран Барсегјан и Вилијан Лира.