Vardar Fans
Денес во спортската сала на О.У. “Наум Наумовски -Борче“ финишираше третото издание на младинскиот фудбалски турнир во организација на општина Гази Баба. Учествуваа и екипи на Вардар кај генерации родени “2006“ и “2007“ година. Тие на крајот го освоија второто и третото место во својата категорија.
Вардаровата генерација “2006“ не успеа да се пласира во големото финале, откако во полуфиналето беа поразени од екипата на Скупи. Победникот беше решен дури по изведувањето на удари од белата точка, каде посреќен беше противникот (0:1). По првото полувреме имавме водство од 1:0, но во вториот дел екипата на Скупи го израмни резултатот на 1:1, што на крај се покажа како конечен. Сепак во борба за третото место, избраниците на Филип Арсовски славеа убедливо со резултат 5:2. Противник ни беше фудбалската школа Боев Карпош. На тој начин на крајот го освоивме третото место.
Уште една наша генерација, момчиња родени “2007“ година беа дел од овој турнир. Избраниците на Зоран Петковски во големото финале беа поразен од екипата на Нова Колонија. Резултатот на финалниот меч гласеше 1:2, во корист на противникот. Претходно во полуфиналето, црвено-црните беа убедливи во дуелот со Фортуна. Тука забележавме убедлив триумф со резултат 8:1. Второ место на крај за генеерацијата “2007“ на ФК Вардар.
