Vardar Fans
Избраниците на Зоран Петковски, генерација родени “2007“ година го освоија второто место на меѓународниот турнир “Кул Куп“. Во текот на денешниот ден се одиграа елиминациските натпревари, по кој беше познат редоследот на пласираните екипи. Во четвртфиналето за противник ја имавме екипата на Бубамара од Хрватска. Тука прикажавме одлична игра и триумфиравме со високи 7:1. Во полуфиналето следеше интересен меч против екипата на Колонија, со кој игравме и во финалето на детската лига минатата сезона. Нашите млади надежи повторно беа поуспешни, но овој пат дури по изведувањето на пенали. Во регуларниот дел дуелот заврши со нерешен резултат 3:3. Избраниците на Зоран Петковски беа псореќни во пенал рулетот со резултат 2:1 и на тој начин обезбедија место во големото финале. Таму се сретнавме со силниот тим на Кикер Краљево. Гостинот од Србија беше далеку подобар на теренот и сосема заслужено славеше со резултат 4:1. На крајот завршивме на второто место. Во идеалниот тим на крајот се најдоа Александар Грашески и Милош Спасовски.
Вардаровата генерација родени “2006“ година го освоја четвртото место на овој турнир. Избраниците на Филип Арсовски во четвртфиналето ја победи екипата на Работнички со резултат 4:1. На овој начин се пласиравме во полуфиналето, каде се сретнавме со тимот на Може да се каже дека несреќно го загубивме овој дуел. Самите си постигнавме гол во својата мрежа и еден погодок од слободен удар за конечен резултат од 0:2. Иако бевме подобри во текот на мечот, сепак ја загубивме можноста да играме во големото финале. Во борбата за третото место игравме против екипата на Кул. На полувреме резултатот беше оној почетниот 0:0. Во вториот дел по два гола на двете страни за конечен резултат од 2:2. По изведувањето на ударите од белата точка го загубивме натпреварот и на тој начин го освоивме четвртото место.
