Комити: В понеделник протестниот марш, во чест на Никола Саздовски – Саздо

Комити Запад излегоа со соопштение за маршот посветен на нивниот прерано починат член Никола Саздовски – Саздо. Истото ви го пренесуваме во целост:

Понеделник 16.07. 2018, плоштадот во Автокоманда, во 19.30 часот започнува протестниот марш во чест на Никола Саздовски – Саздо. Ве повикуваме сите Комити, сите добри луѓе, секој што се чувствува како Македонец, од секој дел на Македонија да дојде заедно со својата фамилија, со пријателите и во еден мирен и достоинствен марш да го дигнеме гласот против неправдата. Да им докажеме на “европејците” дека ние сме различни и сме поцивилизирани од “другите”.

Протестниот марш ќе се движи до Основното Јавно Обвинителство, каде што ќе се прочита известување до јавноста за неправдата, а маршот ќе заврши пред МВР, каде што симболично ќе запалиме свеќи во чест на нашиот брат.