Комити: Сите во Маџари да го поддржиме Вардар на мечот против Воска

Стартните две кола како второлигаш не го најавуваат она што цела Црвено-Црна Армија го очекува од најголемиот Македонски спортски бренд. Затоа на пријателскиот дуел со Македонија Ѓ.П. го видовме и препознавме она што треба да биде Вардар во првенството – Желба, убоитост, страгетија, цел, тимски дух, квалитет…

Она што е важно за нас е дека овој натпревар против Воска за нас ќе биде воопшто прв домашен првенствен натпревар каде Вардар ќе игра пред своите навивачи.

Нема да е Градски, ќе биде во Маџари, но ние имаме убави спомени од некои славни Шампионски денови, кога ја полневме до врв единствената трибина и грмевме во текот на сите 90 минути.

Како Вардар ќе игра на теренот во многу зависи од тоа каква ќе биде поддршката и атмосферата, но како ќе се претставиме ние зависи само и единствено од нас. Па да се претставиме во најдобро светло и со стил да го трасираме единствениот пат кој треба да го изодиме сезонава.

Нека има добра забава и дружба на Собир и на трибина, нека ечат песните за Вардар !

Во Маџари Агендата е следна:

Собир Кино Маџари во 14:00ч.

Понесете Македонско знаме под кое се идентификувате (национално или државно)

Сите во црно !