ЖКК Вардар гостин на Струга 2009 во првиот дуел од 2.круг

Во групата-А каде што се натпреварува тимот на ЖКК Вардар овој викенд се игра 8.коло, односно првиот дуел од вториот круг. Зад нас е првиот круг од 7.коло во кој вардарки имаат скор 6-1 и се на втората позиција на табелата.

Во оваа 8.рунда црвено-црните дами ќе гостуваат кај тимот на ЖКК Струга 2009 во истоимениот град. Вардарки се фаворит против тимот кој во воведната ринда го совладаа во „Кале“ со резултат 77-44. Натпреварот е закажан за задутре, сабота (17/12/2022) во салата “Нико Нестор“ Струга. Овој женски дуел ќе започне во 19.часот и 30.минути.