Thursday ,28 March 2024
Последни:
Home > Останати спортови > Куглање > Куглање! Вардар со победа го отвори 3.круг, убедлив триумф над 18 Август, Поп Крстев прва “игла“
Куглање! Вардар со победа го отвори 3.круг, убедлив триумф над 18 Август, Поп Крстев прва “игла“

Куглање! Вардар со победа го отвори 3.круг, убедлив триумф над 18 Август, Поп Крстев прва “игла“

Во текот на вчерашниот ден  во кугларницата “Мусандра“ при Градскиот трговски центар-Скопје се одигра  сениорскиот дуел помеѓу нашиот КК Вардар и екипата на КК 18-ти Август 2016. Во овој дуел избраниците на Драги Димитровски беа далеку поуспешни, тие ја оправдаа улогата на фаворит и триумфираа со 7:1.

kug

Црвено-црните во сетови однесоа победа со 16:8, вардарци соборија  3243 “дрва“ или 131 повеќе од екипата на 18-ти Август која имаше екипен скор од 3068 “соборени дрва“. По првиот дуел отворивме со 2-0 за нас, поени освоија Марјан Згонц и Димитар Димитровски.  Димитар успеа да собори 546 (359+187), а Згонц  зад своето име впиша скор од 529 (371+168) “соборени дрва“. Во вториот дуел кај нас натпреварувачкиот пар беше Геор Поп-Крстев и Миле Димовски. Во овој втор дуел Поп Крстев имаше 565 (376+189) “дрва“ што беше најдобар скор од сите вардарци на овој дуел. Тој освои поен, а Димовски беше поразен во дуелот со Ѓорѓиев, тоа беше единствениот поен за гостите. Искусниот Димовски собори 519(358+159) “дрва“.  Последен пар беа младите  Дарко Димитровски и Младен Донковски, тие успеаа да бидат повешти од своите противници и освоија поен за Вардар. Донковски  победи 3-1 во сетови и забележа 544(359+185) соборени чуња, Дарко кој по подолго време одигра на ниво, впиша зад своето име  542(356+186). Со оваа победа се задржавме на вицешампионската позиција во Македонската кугларска лига.

kugla3

Пред одигрувањето на овој дуел се одигра и јуниорската средба помеѓу двата тима, во истата вардарци дојдоа до победа со 4-0. Повеќе за истата може да најдете на нашиот веб сајт- овде. Следен противник за Вардар е битолска КК Хераклеа, ние тој дуел ќе го играме на гостински терен.