БОРЕЊЕ! СУПЕР ВЕСТ: Халил се освести, надвор е од животна опасност, за 2-3 месеца ќе закрепне

Молитвите се услишани! Пред неколку часа ве известивме дека нашиот борач член на црвено – црниот борачки колектив Халил Зубаиров во неговата родна Махачкала се бори за живот (Види). Веста која донесе големо зачудување дали е можно овој млад член на БК Вардар да се наоѓа на чекор до најлошото.

Од Махачкала главниот град на  Дагестан-Русија стигна нова овој пат убава вест за македонскиот репрезенативец Зубаиров. Нашиот лав се спаси! Тој е во свесна состојба и е надвор од животна опасност. Докторите од клиниката во Махачкала прогнозираат дека за два до три месеца целосно ќе се опорави од здобиените повреди при немилиот настан што го проживеа “бронзениот“ од последното европско првенство У-23 во Полска.