БОРЕЊЕ!На денешен ден лани добивме големо признание за Вардаровиот борач Зубаиров кој се најде во ТОП 20 светски борачи

Лани на денешен ден стигна убава вест за нашиот црвено-црн борачки колектив, вардарецот Халил Зубаиров доби признание односно место во топ-20 борачи на светско ниво. Големата љубов , посветеност , труд , макотрпна  работа која се вложува во БК Вардар тогаш доби и официјално признание во светски рамки . Така нашиот млад борач Зубаиров кој освои бронза на Европското Првенство во Полска , но и на домашна сцена исто така младиот Халил доминираше и го освои турнирот “Македонски бисер“-Радовиш  се ова го вивна во топ 20 најдобри борачи во неговата категорија во светот.

За жал оваа сезона Халил имаше еден пех во приватниот живот и од здобиените повреди пропушти голем дел од оваа сезона, сепак најважно нешто е што тој го надмина проблемот и во Инстамбул настапи на квалификациски турнир минатиот месец.  Зубаиров според ранг листата објавена на  UWW се најде во топ-20 борачи (види) за  сезона 2015 година. Младиот и надежен член на Вардар и Македонската репрезенација беше рангиран на 18-сетото место на листата во категоријата до 86 килограми . Сериозната работа во клубот оданоста на шефот на стручниот штаб Професорот Пешко , тренерот Гајдаров и сите останатите од црвено-црниот борачки колектив го донесе ова признание .