Четири ракометари што настапуваат во Вардар се најдоа на поширокиот список за Руската селекција од 28 играчи што го објави селекторот Едуард Кокшаров во пресрет на Мундијалот во Германија и Данска. Селекторот воедно е и спортски директор на црвено-црните, а со националниот тим на Русија ќе биде и Дејан Периќ, како тренер на голманитe.
На списокот се: десното крило Данил Шишкарев, левото крило Тимур Дибиров, пикерот Глеб Калараш и десниот бек Дмитри Кисељев. Се очекува сите да го изборат своето место и на скратениот список. Русија ќе ги започне подготовките на 25 декември во Новогорск. Зборнаја ќе има тест-натпревари против Шведска на 5 и 6 јануари.